На прагот на летната сезона, од особено значење за туристите кои ќе летуваат во Грција е да ги знаат сообраќајните правила во таа земја, но и казните за непочитување на истите. Во спротивно може да се соочите со прилично високи казни за прекршоци.
Иако во Грција веќе шест години е во сила новиот и многу построг закон за патен сообраќај, не е лошо да се потсетите колку секој сообраќаен прекршок направен во оваа земја ќе ви ги зголеми трошоците за одмор. Особено што бројот на сообраќајните полицајци на патиштата и улиците таму е многу зголемен, а тие се бескомпромисни и ажурни во казнувањето на прекршителите.
Исто така, советуваат искусните патници во оваа земја од ЕУ, треба да се обрне внимание и на тоа што е зголемен и бројот на радари на главните патишта, а првиот што ќе го сретнат патниците од нашата земја се наоѓа многу блиску после границата на преминот Евзони, а пред излезот за Солун, кој е еден од најчестите рути за патување на туристите од Србија кои одат кон грчкиот брег.
Еве колку чинат казните за сообраќајни прекршоци во Грција:
Возење под дејство на алкохол – од 78 до 1.200 евра
Надминување на дозволената брзина во населено место до 20 км/ч – 100 евра
Поминување на црвено светло на семафор и претекнување преку полна линија – 700 евра
Во Грција веќе шест години важат драконски казни за сообраќајни прекршоци.
Неносење појас – 350 евра
Непрописно паркирање – од 40 до 80 евра
Користење на мобилен телефон при возење – 100 евра
Пушење во возило доколку во него има дете под 12 години – 1.500 евра и одземање на возачка дозвола.
За разлика од досегашните прописи, се посочува и дека во Грција веќе не постои можност некоја од изречените сообраќајни казни да се намали на половина од износот доколку ја платите во рок од десет дена.
и Не се залажувајте дека нема да платите за ниеден од овие сообраќајни прекршоци во Грција.
Имено, како што се објаснува сајтот nikana.gr, доколку казната за сообраќаен прекршок сè уште не е евидентирана и информацијата за истата е испратена до граничните премини, не значи дека сте се спасиле од плаќање.
„Грците не можат да ја испратат казната на домашна адреса, но следниот пат кога ќе влезете во Грција, доколку казната не е истечена, таа се уште е во системот и нема да ви биде простено, туку ќе треба да ја платите. Дополнително, во ЕУ постои регистар на сообраќајни прекршоци и голема е веројатноста дека казната ќе ви биде наплатена веднаш штом ќе влезете во ЕУ, секаде каде што прекршокот е направен во рамките на ЕУ“, пишува на веб-страницата nikana.gr.
