Обвинителството во Дизелдорф денеска соопшти дека тројца тинејџери се уапсени под сомнение дека планирале исламски екстремистички напад.
Станува збор за девојчиња на 15 и 16 години и едно 15-годишно момче, уапсени во различни делови на областа Рајна-Вестфалија.
Тие се осомничени дека изразиле подготвеност да извршат „терористички напади мотивирани од исламисти“ и нивно планирање, пренесува АП.
Германските медиуми тврдат дека уапсените тинејџери создале група за разговор на Интернет и дека не прецизирале конкретни планови за местото или времето на нападот.
