Обвинителството истражува зошто веќе една недела се затворени хируршките сали во Клинички центар „Мајка Тереза“. Првите информации се дека се ширел непријатен мирис, а од Министерството за здравство посочиле на проблеми со функцонирање на вентилацискиот систем.
Предметот е распореден кај обвинител кој треба да провери дали во овој случај има кривично дело.
По собраните искази и докази обвинителствoто ќе процени дали постои основа да поведе кривична постапка и против кого.
За проблемите во зградата на хируршките клинки се огласија и од ВМРО ДПМНЕ. Ги обвинија СДСМ и ДУИ дека го уништуваат здравството до последен ден.
