Студијата „Санитарна енигма“ на Јасна Котеска отвора повеќе прашања за промислување.
Дали санитарноста е моќ; дали моќта има санитарен извор? Кој е економот што ја стопанисува територијата на чистото? Како се вика лекарот што ја лечи раната на нечистата совест во исто време додека ја загадува? Каква е врската меѓу сапунот и фашизмот? Зошто секоја колонијална империја најпрвин се воспоставува како хигиенска империја?
Какво решение за третманот на ‘чистата’ крв им понуди Дизни на современите телевизиски воени могули? Кога и зошто е криминализиран сметот? Зошто модерниот град е роден од спорот со анималните, животворни импулси? Зошто радоста подразбира блискост и валканост? Како сексуалноста и санитарноста меѓусебно се поврзани? Зошто не постои желба што е по мерка на културата? Кој сон Фројд одби да го толкува и зошто? Дали постои празен субјект и што е содржината на неговата супстанција?
Ова се дел од прашањата на оваа книга која е во издание на „Антолог“.
