Герасимовски: Околу 40 проценти од градежните зафати на објектот се готови

15

Изградбата на градинката „Пролет“ во истоимената населба напредува, а динамиката на изведување на работите се одвива одлично.

Ова го констатираше градоначалникот на Општина Центар, Горан Герасимовски кој изврши увид во градежните активности. Градинката „Пролет“ која е прва градинка во истоимената населба и прва градинка по цели 50 години во Општина Центар. Се информираше за текот на градежните зафати и напредокот на самата градба.

-Одлично се одвива динамиката за изградба на најмодерната градинка во Општина Центар, градинката „Пролет“. Со градежни работи започнавме во јули минатата година и градбата напредува, во моментов околу 40 проценти  од градежните зафати се готови – информираше Герасимовски.

Тој додаде дека градинката ќе се простира на површина од 3.276 квадратни метри, ќе биде на две нивоа со капацитет за згрижување на 150 деца во 9 занимални. Ќе располага со лифт и надворешно игралиште до кое можат да пристапат и деца со попреченост во движењето, атриум, просторија за лекар со изолација за дете и сопствена кујна со трпезарија за свежо приготвена и здрава храна за дечињата.

Со изградбата на оваа градинка која е единствена во населбата „Пролет“, Општина Центар решава огромен неколку децениски проблем за родителите кои децата на згрижување ги носат во соседните населби.

Изградбата на градинката е целосно финансирана од Општина Центар и ќе чини околу 2,5 милиони евра.