Поранешниот НБА кошаркар, Кевин Портер Јуниор, во наредниот период ќе игра во Грција, откако потпиша едномесечен договор со тимот на ПАОК, а соработката може да продолжи доколку тимот се пласира во плејоф на шампионатот. Во тој случај соработката би траела до крајот на сезоната, но може да се случи и Портер да го напушти клубот по само четири настапи.
Ќе го одигра последното коло од лигашкиот дел од натпреварувањето – доколку навреме пристигне од САД – потоа три натпревари за пласман во плејофот, а доколку ПАОК не успее да се пласира, соработката ќе биде прекината. Според информациите до кои дојдоа од грчките медиуми, Кевин Портер Јуниор за еден месец ќе добие 10.000 евра, односно четири натпревари во Грција, што значи дека игра за скромни 2.500 евра по натпревар. На тоа сигурно влијаело и на неговата уништена репутација.
Портер беше избран од 30-та позиција на НБА драфтот во 2019 година од тимот на Милвоки Бакс. Преку Детроит, тој веднаш беше трејдуван во Кливленд, каде што играше првите две сезони, а потоа играше за Хјустон две години, со повремени патувања во развојната лига. Јавноста исто така го памети по криминалното досие, во кое има два големи скандали.
Во ноември 2020 година тој предизвика сообраќајна несреќа додека возел без документи, а полицијата во автомобилот што го управувал пронашла огнено оружје. Иако се очекуваше да биде покренато обвинение, се испостави дека и автомобилот и пиштолот се на неговата мајка, па Кевин Портер Јуниор се извлече. Многу посериозно беше во септември 2023 година, кога беше уапсен за семејно насилство.
Хјустон веднаш го трејдуваше во Оклахома, Оклахома веднаш го отпушти, а Кевин Портер Јуниор веднаш се изјасни за виновен за семејно насилство и напад на својата девојка. За работите да бидат побизарни, Кисре – која и самата е кошаркарка, во интервју раскажа како Кевин Портер Јуниор не ја удрил!
Кевин Портер Јуниор пораснал само со својата мајка, откако неговиот татко бил убиен во пукање на улица во 2004 година, кога имал само четири години. Пред тоа, Брајан Кевин Портер Сениор беше осуден за убиство од небрежност, бидејќи убил 14-годишно девојче за време на улично пукање во 1993 година.
