Кејт Мидлтон направи пауза од јавните обврски поради терапија откако и беше дијагностициран рак, но познато е дека Кејт сега работи на својот прв официјален проект.
Тоа е трејлер за краток филм за предизвиците со менталното здравје со кои се соочуваат британските фармери.
„Поминувајќи еден ден на фармата Сем во Херефорд, тие разговараа за менталното здравје во земјоделската заедница, наоѓајќи поддршка и стратегии за ментално здравје“, пишува GB News.
View this post on Instagram
Кејт Мидлтон е продуцент на краткиот филм. Принцот и принцезата од Велс го објавија видеото на Инстаграм за да ја одбележат Неделата на менталното здравје, а целосната објава е достапна на YouTube.
Се верува дека Кејт работела на овој проект пред да се влоши нејзиното здравје.
Инаку, Кејт и Вилијам се запознале со фармерот Сем Стејблс минатата година и тогаш била лансирана стратегијата за ментално здравје. Проектот на принцот и принцезата од Велс беше лансиран за да им помогне на земјоделците низ целата земја.
Кејт пред три месеци објави дека боледува од рак, но оттогаш не се знае ништо ново за нејзината состојба и закрепнување.