На 10-месечна возраст, Кфир Бибас помина повеќе од една петтина од својот млад живот во заробеништво, а неговото лице со срнести очи и светло-црвената коса се живописни симболи на болката и страдањето што ги преживеаја израелските заложнички семејства, јавува денес Си-Ен-Ен.
Роднините на семејството Бибас се информирани дека никој од семејството, меѓу кои и 10-месечниот Кфир и 4-годишниот Ариел, не е на списокот заложници кои се очекува да бидат ослободени денеска.
Повеќе од 50 дена откако милитантите на Хамас го киднапираа од нивниот дом во јужен Израел, семејството на Кфир вели дека не е поблиску до сознание дали тој е безбеден – па дури и жив.
„Ние сме многу, многу загрижени за него“, изјави Ајлон Кашет, роднина на семејството, за Си-Ен-Ен, држејќи фотографија од момчето.
Kfir Bibas is 10-months-old and has spent 52 days of his life in captivity. His family is pleading for him and his four-year-old brother Ariel to be brought home. “They shouldn’t be kept like this. It's inhumane. It’s so scary. Are these the enemies of Hamas?” pic.twitter.com/VFJDDy5wLw
— Kaitlan Collins (@kaitlancollins) November 28, 2023
„Не сме сигурни дали ќе успее. Секој нов ден што ќе остане таму претставува реална опасност за неговиот живот“, додава тој.
Кфир, неговиот четиригодишен брат Ариел, како и нивната мајка Шири, и веројатно нивниот татко Јарден беа киднапирани од Нир Оз, израелски кибуц кој беше уништен кога беше нападнат од милитантите на Хамас на 7 октомври. Напаѓачите убиле повеќе од четвртина од заедницата и заробиле десетици други, додека пукале во домовите на луѓето, ограбувајќи и уништувајќи се што можеле. Судбината на Јарден е непозната, а се верува дека тој е или мртов или еден од околу 200-те заложници кои останале во притвор на Хамас.
