Еден од најголемите бендови на денешницата, Рамштајн, по трет пат настапи во Белград, како дел од турнејата на Стадион по повод 30-годишнината од постоењето. Се проценува дека на првиот спектакл на Ушќе присуствувале 100.000 луѓе, а целиот град бил преполн од утринските часови. Портите беа задоцнето отворени околу 17 часот, но мал број луѓе не успеаја да влезат во оградениот простор до 21 часот кога пред присутните излезе германската машинерија.
Членовите на Рамштајн се симнаа на грандиозната сцена во лифт со изведба на компилација од хитовите на групата во песната „Ramm“ и спектакуларни ефекти од црн чад од четирите кули. Публиката која дојде од целиот свет пееше во дует со Тил Линдеман и уживаше во визуелизацијата на огнениот спектакл.
Иако е познат по тоа што никогаш не бил во интеракција со публиката за време на настапот, харизматичниот фронтмен извикувал „Ајде“ на српски пред рефренот на песната „Mein Hertz brennt“, што ја фрли публиката во транс.
Огнени столбови го раскинаа небото, особено со еден од најголемите хитови „Sonne“, а целосен делириум настана со „Du hast“, кога на небото над Ушче наизменично се менуваа огнени стрели и огномет.
Второто обраќање до публиката дојде кон крајот на програмата, со песната „Ich will“, кога Линдеман извика „Раце горе!“.
Целосниот двочасовен концерт заврши со два биса, со комбинација од оган, чад и светлосни ефекти и многу конфети кои ја покриваа публиката. Линдеман по трет пат го прекрши сопственото правило и рече „Благодарам Белград“.
Генерален впечаток по првиот од двата настапа во Белград е дека Рамштајн ги исполни, па дури и ги надмина очекувањата и на верната и на малку помладата публика. Членовите на бендот, и покрај нивната возраст, сè уште се енергични, громогласни и неуморни на концертните настапи.
