Неколку часа по падот на авионот со шефот на Вагнер, Евгениј Пригожин во Русија, американските власти одговорија и рекоа дека Бајден бил информиран за тоа што се случило.
Евгениј Пригожин, лидерот на групата Вагнер, се најде на списокот на патници на авионот што се урна во близина на рускиот град Твер. Американскиот претседател Џо Бајден претходно сугерираше дека Пригожин може да биде во опасност по обидот за државен удар во јуни.
„Ги видовме извештаите. Ако се потврди, никој не треба да биде изненаден. Катастрофалната војна во Украина доведе до марширање на приватна армија кон Москва, а сега, се чини, до ова“, рече портпаролката на Советот за национална безбедност Адриен Вотсон.
Се претпоставува дека авионот со Евгениј Пригожин, кој летал од Москва за Санкт Петербург, бил соборен од руска ракета.
