Последната рунда разговори за прекин на огнот во Појасот Газа заврши откако Израел им укажа на посредниците, вклучувајќи ги САД, Египет и Катар, на резервираноста на Тел Авив за предлогот на Хамас за заложници, изјави израелски официјален претставник за Ројтерс.
Тој додаде дека израелската делегација се вратила од Каиро, а Израел ќе ги продолжи воените операции во Рафа и другите делови на палестинската енклава според планираното.
Преговорите продолжија во вторникот во Каиро, кога делегациите на Хамас и Израел се вратија во главниот град на Египет, откако претходната рунда преговори пропадна.