Хрватското собрание ја изгласа новата влада, ќе ја предводи Андреј Пленковиќ

48
epa11285649 Croatian Prime Minister Andrej Plenkovic from the Croatian Democratic Union (HDZ) reacts to his victory during the Parliamentary elections, at their head quaters in Zagreb, Croatia, 17 April 2024. Voters in the country are casting their ballots to elect 151 members of Sabor, the Parliament of Croatia. EPA-EFE/ANTONIO BAT

По десетчасовна дискусија, Собранието ја изгласа третата влада на Андреј Пленковиќ, поранешен и иден премиер и претседател на Хрватската демократска заедница.

За владата формирана од ХДЗ со десничарското движење Татковина, а во која нема претставник на српското национално малцинство гласаа 79 пратеници, 61 беа против, а еден воздржан. Мнозинството во Собранието е 76 пратеници, а на денешната седница присуствуваа 141 пратеник.

Новата влада наместо досегашните 16 министерства ќе има 18, а три ќе му припаднат на Татковинското движење кое ги доби министерствата за земјоделство, економија и новооснованото министерство за демографија.

Владата ќе има седум потпретседатели, од кои еден е од ДП. Пленковиќ синоќа до Собранието го достави списокот на министри и програмата на новата влада, во која се наведува дека се роди успешна, витална, праведна, одржлива и суверена Хрватска.

Целите се, меѓу другото, раст на просечната плата од сегашните 1.250 на 1.600 евра и поттикнување на отворање на 125.000 работни места.