Во текот на својата богата кариера, Златан Ибрахимовиќ, многу често се соочуваше со критики и никогаш никому не остана должен, но се додека не наиде на Албанката со шведски пасош, Косоваре Аслани, која жестоко го навреди легендарниот напаѓач.
Аслани со години игра на големата сцена кога е во прашање женскиот фудбал. Таа своевремено беше член на ПСЖ кога Ибрахимовиќ настапуваше за францускиот гигант.
Искусната 34-годишна фудбалерка сега е член на Милан каде Ибра има статус на жива икона, но тоа не ја спречува слободно да зборува на која било тема.
Како што е познато, Светското првенство во Катар минатата година предизвика многу контроверзии во Западна Европа, пред се поради кршењето на човековите права и одредените закони.
И покрај тоа, без разлика на сè, Ибрахимовиќ реши да им даде чиста десетка на Катарците за организацијата на турнирот, за искуството, за публиката, за храната и за самиот финален меч, во кој после пенал рулетот Аргентина ја победи Франција.
„Се беше направено за десет“, изјави Ибрахимовиќ пред неколку месеци, а Аслани не се воздржа без да коментира.
За Швеѓанец со босански корени изјави дека постапил неинтелигентно и дека дал погрешен одговор.
-Нема ни да трошам енергија на тоа бидејќи тоа беше толку неинтелигентен одговор. Да се избере таков одговор за социјален проблем и кога сте во позиција да го промените општеството, кажува многу за таа личност, изјави Аслани.
Ибрахимовиќ секогаш имал подготвен одговор кога се во прашање неговите машки колеги, но овој пат решил да молчи и со тоа дефинитивно ги изненади сите.
Инаку, Аслани неодамна го критикуваше времето на доделување на „Златната топка“, бидејќи се се случуваше во време кога жените ги играа натпреварите од Лигата на нации.
„Не сум изнендена, но се надевав дека ќе изберат термин кој ќе им одговара и на жените и на мажите. Таков термин ќе беше фер, но светот на фудбалот се уште не е на тоа ниво. Ќе разберете што зборувам за“.
Аслани, чии родители дошле во Шведска во 1988 година од Косово, деценија и пол настапува за шведската репрезентација. На Светското првенство за жени во 2023 година, таа го постигна последниот гол за Шведска во победата за третото место над Австралија.
