Украинскиот парламент ги повика земјите од ЕУ да ги отворат пристапните преговори на претстојниот самит

22

Парламентот на Украина, Врховната Рада, ја повика Европската унија да ги отвори пристапните преговори со Украина. Украинските претставници ги повикаа земјите-членки на ЕУ да го одобрат отворањето на пристапните преговори со Украина на самитот во петок, се вели во соопштението за печатот од парламентот. Одлуката беше усвоена со мнозинство гласови, а резултатот на Телеграм го објави претставникот Јарослав Железњак.

Украинскиот парламент заседава зад затворени врати поради прогласената вонредна состојба во земјата поради војната со Русија. Некои земји-членки на ЕУ се загрижени за потенцијалните предизвици и трошоците за приклучување на Украина, голема земја со голем земјоделски сектор која е далеку посиромашна од членките на ЕУ.

Украинскиот парламент ги повика и земјите-членки на ЕУ да продолжат со воена и финансиска помош за Украина. Тој повика и на воведување нови санкции против Русија.

Русија ја нападна Украина на 24 февруари 2022 година, откако го анектираше Крим во 2014 година и им помогна на проруските сепаратисти во источна Украина. Украина доби официјален статус на кандидат за членство во ЕУ во 2022 година Унгарскиот премиер Виктор Орбан пред неколку дена се закани дека ќе стави вето на отворањето на преговорите со Украина.