Италијанската пејачка и поранешна сопруга на Бјерн Борг, Лоредана Берте, ќе се обиде да избори место за овогодинешното издание на Евровизија, а има необичен мотив за победа. Таа сака да се натпреварува на Евровизија што се одржува во Малме, град во Шведска, за да му се одмазди на поранешниот сопруг.
На социјалните мрежи таа испрати порака до потенцијалните гласачи изразувајќи желба да победи и на тој начин да оствари „слатка одмазда“ против Борг.
Берте во својата автобиографија откри некои контроверзни детали од времето на нивниот брак. Таа тврди дека Борг бил зависник од кокаин и организирал секс оргии, па дури и ја принудувал да учествува. Таа опишува една случка кога Борг изнајмил цел кат од хотел и го наполнил со проститутки. Таа ги отфрла неговите барања и изразува згрозеност од неговите постапки, пренесува „ilfattoquotidiano.it“.
Автобиографијата од 2015 година, исто така, се фокусира на врската помеѓу Борг и Џон Мекинро, истакнати тениски ривали кои ја подигнаа популарноста на тенисот во текот на 70-тите и 80-тите години на минатиот век.
“I want to win, I want to go to Eurovision, it’s held in Sweden and I want to annoy my ex-husband.” – Loredana Bertè #Sanremo2024 pic.twitter.com/akWBi0e6R2
— Festival di Sanremo (en) (@sanremo_en) February 8, 2024
