Екипата на Ал Наср гостуваше во Техеран кај Персополис, во рамки на азиската Лига на шампиони, а првата ѕвезда на тимот, Кристијано Роналдо, имаше топло добредојде.

Уште на аеродромот по слетувањето на авионот, претседателот на Персополис лично ја пречека делегацијата на Ал Наср и му подари на Роналдо раскошен персиски тепих, по што автобусот со играчите беше испратен од голем број навивачи. Исто така можеа да се видат и големи транспаренти со натписот „Добредојдовте“.

За жал, ниту еден навивач нема да може да присуствува на натпреварот меѓу иранскито и саудискиот клуб, закажан за утре  на стадионот „Азади“, кој со своите 90.000 седишта е најголемиот во Иран, поради санкциите што Азиската фудбалска конфедерација ги изрече по контроверзна објава на Инстаграм страницата на Персополис во 2021 година.

 

ПОВРЗАНИ ОБЈАВИПОВЕЌЕ ОД АВТОРОТ