Романските обвинители соопштија дека отвориле кривична истрага против романски државјанин обвинет за предавство и шпионирање за Русија повеќе од две години.
Романската единица за организиран криминал DIICOT објави во соопштение дека осомничениот од 2022 година ги надгледувал воените објекти на Романија или на НАТО во југоисточна Романија, во близина на границата со Украина.
„Осомничениот собирал воени податоци и фотографирал промени во состојбата на воената опрема и персонал во пограничната област со Украина, кои потоа им ги испратил на дипломатите од руската амбасада во Букурешт“, се вели во соопштението.
Романскиот суд одобри апсење на осомничениот на 30 дена, во очекување на кривична истрага, додадоа обвинителите. Апсењето е прво во Романија, еден од центрите на западната воена и хуманитарна помош за Украина од почетокот на руската инвазија на земјата.
Романија, членка на НАТО од 2004 година, дели 650 километри граница со Украина, а руските беспилотни летала неколкупати залутаа на нејзина територија.
