Речиси сите Ерменци од Нагорно-Карабах ја напуштија територијата во егзодус по офанзивата на Азербејџан и предавањето на ерменските сепаратисти.
Прес-секретарот на ерменскиот премиер Никол Пашинјан, Назели Багдасарјан, денеска изјави дека 100.417 луѓе пристигнале во Ерменија од Нагорно-Карабах, која имаше околу 120.000 жители пред Азербејџан да ја врати контролата врз територијата во офанзива од гром минатата недела.
Од минатата недела, вкупно 21.043 возила го поминале мостот Хакари, кој ги поврзува Ерменија и Нагорно Карабах, рече Багдасарјан.
Некои со денови стоеја во редици бидејќи кривулестиот планински пат, единствениот кон Ерменија, беше блокиран.
Не е јасно какви идни планови има Азербејџан за енклавата, која е напуштена од 80 отсто од Ерменците и која е меѓународно признаена како дел од нејзината територија.
Сепаратистичката влада во четвртокот објави дека ќе ги распушти сите институции до јануари 2024 година.
