Косовската полиција соопшти дека во денешната операција за затворање на филијалите на Поштенската штедилница во општините Северна Митровица, Звечан, Зубин Поток и Лепосавиќ, биле запленети околу 1.600.000 евра, околу 74.700.000 динари, околу 19.500 швајцарски франци, околу 13.800 американски и 40 австралиски долари.
Како сведок бил приведен Игор Радиќ, директорот на подружницата „Поштенска штедилница“ во Косовска Митровица, кој откако дал исказ бил ослободен од полицијата, изјави за Танјуг директорот на косовската полиција за северниот регион, Ветон Елшани.
Во акцијата во која учествуваа претставници на Даночната управа на Косово, филијалите на Поштенската банка беа затворени во сите четири општини на северот на Косово и Метохија.
