По двојната победа во финска Рука, сега Австриецот Штефан Крафт успеа двапати да триумфира и во норвешки Лилехамер. По убедливата победа на малата скокалница, не беше помалку успешен и на големата. Со скокови од 134 и 141,5 метри на крајот имаше шест бодови повеќе од второпласираниот Андреас Велингер и седум од бронзениот Јан Херл, додека оние кои останаа без подиум беа со двоцифрена разлика.
Ова е само четврти пат некој да ја започне скокачката сезона со четири последователни победи. Андреас Фелдер го направи тоа во 1984/85 година, потоа легендарниот Јани Ахонен во сезоната 2004/05, а сега Крафт го брка рекордот поставен од Томас Моргенштерн во 2007/08 година. Тоа ќе има можност да го направи следниот викенд кога ќе има два скока во германскиот Клигентал.
Сепак, ваквиот почеток не е сигурен показател за титулата, бидејќи своевремено Фелдер ја загуби титулата од Мати Никанен, но Моргенштерн и Ахонен уште на стартот ги одбранија победите и успеаја да дојдат до титулите. Крафт до крајот на сезоната брка уште еден рекорд на Јани Ахонен, тој од 109 подиуми во Светскиот куп. Моментално е на 102 години и се чини дека до крајот на натпреварувачката година има големи шанси да дојде до овој рекорд.
