Најдобриот тенисер на сите времиња Србинот Новак Ѓоковиќ, ја започна 414-та недела на врвот на АТП листата. Така тој дополнително го подобри рекордот кој го држеше долго време, а со оглед на тоа што претходниот рекордер Роже Федерер на првото место помина 310 недели, од денеска можеме да кажеме дека Србинот на тенискиот трон е точно две години подолго од Швајцарецот, кој лани ја заврши криерата.
По поразот во полуфиналето на Австралија опен, Ѓоковиќ реши добро да се одмори, време што го искористи за да ја добие потребната енергија, но и за скијање на северот на Италија. На новата АТП листа Новак има 9.855 бодови, што е за 1.050 повеќе од второпласираниот Карлос Алкараз.
Јаник Синер има 8.270, а првата петорка ја комплетираат, Данил Медведев (Русија) 8.015 и Андреј Рубљов (Русија) 5.110 бодови.
Во првите десет се уште: Александар Зверев (Германија) 5.085, Холгер Руна (Данска) 3.700, Хуберт Хуркач (Полска) 3.210, Алекс де Манор (Австралија) 3.210 и Тејлор Фриц (САД) 3.150.
