Нигериската војска спасила девојче кое било киднапирано пред 10 години

48
epa04653431 A photograph made available 08 March 2015 shows the Nigerian army patroling in Chibok, Borno State, North Eastern Nigeria 05 March 2015. According to reports two busy markets and a bus station wre the targets of an alleged Boko Haram suicide attack which killed 54 people and injured 143 in the city of Maiduguri in north-eastern Nigeria 07 March 2015. EPA/Henry Ikechukwu

Девојчето Лидија Сајмон, кое беше киднапирано од училиште заедно со стотици други за време на рацијата на екстремистите пред 10 години во североисточна Нигерија, е спасено заедно со нејзините три деца, соопшти нигериската армија.

Лидија Сајмон, која е во петтиот месец од бременоста, била спасена од нигериски војници во областа Гвоза во државата Борно, каде властите се борат против исламските екстремисти веќе 15 години, се вели во соопштението на армијата, пренесе CTV.

Објавата беше придружена со слика на Сајмон и нејзините деца кои имаат меѓу две и четири години.

Таа допрва треба да се обедини со своето семејство.

Сајмон беше меѓу 276-те девојчиња киднапирани од училиште во нигериското село Чибок во април 2014 година во екот на екстремистичкото насилство во регионот. Околу 80 се уште се во заробеништво.

Нигериската војска не соопшти како Сajмон била ослободена, освен дека била спасена во Нгоше, 130 километри северно од главниот град на државата Борно, Мајдугури.

Агенцијата АП наведува дека, според изјавите на родителите и безбедносните аналитичари, има малку докази дека државата спроведува специјална воена операција за ослободување на киднапираните жени. Оние кои се вратија во последниве години, најчесто се најдени напуштени во шумите.

Еден од активистите што се залагаше за нивно ослободување рече дека некои од нив биле силувани или принудени на брак од бунтовниците.

„Ги слушнавме приказните на оние кои се вратија за траумите и насилството со кои се соочија. Некој што бил киднапиран пред 10 години не се враќа како истиот човек“, вели активистот.