На стартот на летната сезона, ќе патувате на море – еве каде во регионот е најевтино да се наполни гориво

Цените на овој енергенс паѓаат на глобално ниво, моментално се стабилни, но од јуни тоа би можело да се промени во зависност од одлуките на групата ОПЕК на јунскиот состанок, како и од глобалната геополитичка ситуација.

162

За оние кои летово планираат да патуваат на летување до најблиските плажи во соседството, најважно е колку ќе ги чини да го наполнат полн резервоарот со гориво.

Нашиот народ најчесто оди на море во Грција, Албанија, Црна Гора и Хрватска. Бидејќи летната сезона штотуку започна, потребно е да се направи добар план за полнење гориво бидејќи тоа е еден од најголемите трошоци од домашниот буџет.

Во Црна Гора литар еуродизел е 1,34 евра, а литар еуросупер, односно бензин 1,53 евра. Според веб-страницата GlobalPetrolPrice, литар бензин во Грција е најскап и е 1,86 евра, а дизелот е 1,55 евра, додека во Албанија дизелот на пумпите се продава по цена од 1,51 евро.

Секоја од овие земји во регионот има свои принципи при објавувањето на новите цени на горивата, но тие најчесто се менуваат на неделно ниво.

Бензинот во Босна и Херцеговина е 1,32 евра, а кај нас околу 1,30 евра. Во Хрватска цената на еуродизелот е 1,24 евра, додека премиум варијантата е околу 1,60 евра, а бензинот 1,32 евра.

Барел нафта на светските берзи моментално е околу 75 долари, а на европскиот пазар на почетокот на годината се тргуваше по цена од 117 долари.

Цените на овој енергенс паѓаат на глобално ниво, моментално се стабилни, но од јуни тоа би можело да се промени во зависност од одлуките на групата ОПЕК на јунскиот состанок, како и од глобалната геополитичка ситуација.