Жителите на Венецуела гласаа за анексија на провинцијата Есекибо, што може да предизвика голем конфликт со соседната земја.
На референдумот во Венецуела, одржан во неделата, околу 95 отсто од граѓаните ја поддржаа анексијата на спорната територија Есекибо, лоцирана во Гвајана, за која тврдат дека била украдена кога била исцртана границата север-југ пред повеќе од еден век.
Претседателот на електоратот, Елвис Аморос, објави дека околу 95 отсто од граѓаните кои излегле на референдумот гласале „за“ за сите пет прашања.
Останува нејасно како Венецуела ќе ги спроведе резултатите од гласањето, а Гвајана гледа на референдумот како чекор кон анексија. Националниот изборен совет објави дека преброил повеќе од 10,5 милиони гласови.
Зошто е спорна територијата на Есекибо?
Територијата на Есекибо со 159.500 квадратни километри сочинува две третини од Гвајана и во неа живее околу една шестина од населението на Гвајана. Областа се граничи со Бразил, чие Министерство за одбрана претходно оваа недела соопшти дека ги „интензивирало одбранбените акции“ и го зголемило своето воено присуство во регионот поради спорот.
Есекибо е територијално поголем од Грција и е богат со минерали.
Според пресудата на меѓународниот арбитражен суд во 1899 година, таа територија и била доделена на Велика Британија, која во тоа време била колонијална сила во Гвајана, но во последните децении венецуелските власти предупредуваат дека оваа пресуда е неправедна.
Во 1966 година, кога Гвајана ја стекна својата независност, Велика Британија и Венецуела се договорија да формираат комисија составена од претставници на Гвајана и Венецуела која ќе го преиспита овој територијален спор, но шест децении подоцна не беше постигнато решение. Референдумот дојде откако американскиот нафтен гигант Exxon Mobil откри нафта во водите на брегот на Есекибо во 2015 година.
