При претрес на подрачјето на Угљевик, Босна и Херцеговина, полицијата пронашла девет килограми пластичен експлозив, детонатори, три автоматски пушки и поголема количина муниција, соопшти полициската управа во Бијелина.
Полицијата соопшти дека пронашла 15 парчиња пластичен експлозив, со вкупна тежина од околу девет килограми, шест детонатори со далечински управувачи и уште шест почетни капи, три автоматски пушки, девет рамки во кои имало муниција калибар 7,62 мм, како и околу 400 парчиња муниција од различен калибар.
Во станот на Ж.С., претходно полицијата пронашла „печалбар“ со придушувач и рамка, марихуана, екстази и други предмети што може да се поврзат со извршување кривични дела.
Во соопштението се наведува дека Ж.С. е уапсен за сторени кривични дела неовластено производство и пуштање во промет наркотични дроги и недозволено изработување и тргување со оружје или распрскувачки материјали.