Избран нов претседател на Алжир

71

Поранешниот премиер на Алжир, Абделмаџид Тебун, е избран за нов претседател на земјата на избори со кои властите се надеваат дека ќе завршат повеќемесечните превирања, а демонстрантите што го соборија неговиот претходник Бутефлика велат дека нема да запрат.

Тебун денес беше прогласен за победник на изборите освојувајќи повеќе од половина од гласовите.

Властите соопштија дека девет милиони Алжирци излегле на гласање, пренесува „Ројтерс“.

Демонстрантите што продолжуваат со протестите сметаат дека станува збор за измама, чија цел е одржување на старата владејачка елита и бараат нови политички лидери.