ДЕТАЛИ ЗА СВИРЕПОТО ЗЛОСТОРСТВО ВО ПРИЛЕП: 21-годишник и малолетник го убиле 14-годишното момче

526

Денеска, рано утрото во четири часот во селото Сенокос, општина Долнени, полициски службеници од ОВР Прилеп уапсиле малолетник и В.Т.(21), двајцата од Сенокос, поради сомнение за сторено кривично дело „убиство“.

Имено, вчера во 19.37 часот во ОВР Прилеп било пријавено дека на бул. „Гоце Делчев“ во Прилеп било пронајдено лице со повреди, по што билo пренесено во Градска болница Прилеп, каде што лекар констатирал смрт и било утврдено дека се работи за малолетник од Прилеп.

Полициски службеници од ОВР Прилеп заедно со јавен обвинител извршиле увид на местото на настанот, а по судска наредба бил извршен претрес во домот на малолетникот во с. Сенокос, при што биле пронајдени и одземени предмети со кои било извршено кривичното дело.

Со малолетникот бил извршен службен разговор, во кој го признал делото, а по целосно документирање на случајот, во координација со јавен обвинител против него е поднесена кривична пријава по член 123 од Кривичниот законик.

Свирепо убиство на 14.годишно момче во Прилеп