Жителите од улицата „Среќко Пужалка“, во населбата „Ченто“, реагираат дека веќе речиси еден месец од под бандера за улично осветлување извира вода што претставува опасност и за возрасните и за децата, бидејќи во непосредна близина се наоѓа градинката „Сонце“. Тие бараат од општината да излезе на терен и да го среди дефектот.
-Бандерата е цела во вода. Да не чекаме да се случи нешто лошо, со последици. Тука поминуваат деца – вели жителка на оваа улица.
Билјана Богдановска упати апел и до ЈП „Водовод и канализација“ и до сите советници од Општина Гази Баба заинтересирани да помогнат.
-Водата тече уште од почетокот на учебната година, а можно е и од претходно. Водата извира во голем млаз од самата бандера, што е многу опасно. Огромни количества на вода тукутака се изгубени. Штета голема – вели таа.
Случајот велат жителите е пријавен уште првиот ден кога почнала да тече водата, но досега никој не реагирал.
Од Општина Гази Баба велат дека проблемот е пријавен во јавното претпријатие „Водовод и канализација“.
-Оттаму не информираа дека станува збор за дефект на хидрант и оти тој ќе биде отстранет во најскоро време – одговорија од локалната самоуправа.
Од ЈП „Водовод и канализација“ одговорија дека се запознаени со случајот и оти утре екипи ќе работат на терен на отстранување на дефектот.
(А.П.)
