Турција е омилена туристичка дестинација на многумина, а Турчин кој живее во Србија, на Тик Ток, дал многу корисни совети за летување во таа земја!
Тој наведе неколку работи кои можат да ви го олеснат престојот во Турција.
„Прво, треба да знаете дека не е лесно да се купи СИМ картичка како во другите земји. Потребен ви е пасош и чини помеѓу 30 и 35 евра со дополнителни 20 GB за интернет. Втора важна работа е што аптеките во Турција имаат поинаков систем на работа. Во работните денови аптеките работат од 9 до 19.30 часот, па во случај да ви треба аптека, мора да видите која е дежурна, истакна тој, оставајќи во видеото линк со дежурни аптеки.
Третата работа што ја советува е секогаш да имате готовина во турски лири, но секаде каде што е можно – плаќајте со картичка.
„Каде што е можно, плаќајте со картичка, бидејќи менувачниците во одморалиштата немаат многу добар курс. Секако, не разменувајте пари на аеродром, ако не морате – истакнува тој и додава дека доколку сакате да посетите пазар во Турција, можете да напишете „Yarleri market“ во пребарувачот и потоа името на местото во кое се наоѓате и на тој начин ќе видите каде е најблискиот пазар.
За оние кои сакаат да се релаксираат со пијалок, важно е да знаат дека во Турција алкохол не може да се продава во продавниците по 10 часот. Значи, ако планирате забава, треба да се подготвите пред време.
Понекогаш плажата е преполна и тешко е да се најде лежалка, но овој човек има совет и за тоа:
„Секогаш има по некој млад човек кој работи на плажа. Давајте му бакшиш по 2-3 евра секој втор или трет ден, а тој однапред ќе ти ви ги обезбеди најдобрите лежалки.
Овој Турски државјанин во Србија вели и дека некои туристи се прашуваат дали можат слободно да се облекуваат во Турција.
„Нормално дека можат! Во Турција одморалиштата се безбедни и жените можат да носат што сакаат“, заклучува овој човек.
