Доналд Трамп приреди изненадување во понеделникот испраќајќи порака до своите поддржувачи дека ја прекинува кампањата, што всушност беше првоаприлска шега наменета за собирање средства за неговата претседателска кандидатура во ноември.
Поранешниот републикански претседател, кој се обидува да го собори демократот Џо Бајден од Белата куќа, го испрати овој краток текст до своите избирачи преку е-пошта и СМС, заедно со линк.
Со кликнување на него, неговите поддржувачи преоѓаат на страница која ги поканува да донираат 5.500 или 3.300 долари за кампањата на Трамп.
„Дали навистина мислевте дека ќе ја завршам кампањата? Првоаприлска шега!“, стои со големи букви.
Веќе неколку години американските гласачи се преплавени со СМС пораки, мејлови и повици со кои се повикуваат финансиски да поддржуваат кандидатури.
Касата на кампањата на Доналд Трамп во моментов е попразна од онаа на Џо Бајден, кандидат за реизбор.
