Главна пејачка ѕвезда изминатиот викенд, на еден настап во Србија, во еден гламурозен ресторан, каде што доаѓаат најбогатите поради добрата музика и уште повкусното јадење, беше токму македонскиот фолк-пејач Ѓоко Јовиќ. Тој направи вистински `ршум таму. За тоа сведочат и некои папарацо фотографии, од кои се гледа колку добар бакшиш заработил Ѓоко. Едвај успева со рака да задржи големо купче со евра, да не се разлетаат и да завршат кај некој друг.
–
Заедно со Ѓоко, но само како гостинка со неколку песни, настапи и српската естрадна ѕвезда, Снежана Ѓуришиќ. Па нека кажат потоа дека им е тежок естрадниот живот. Додуша, патувањата се чести и исцрпувачки. Е, само тоа.
Преморот го снемува веднаш кога ќе се наполни паричникот, да се прелева, и со евричиња, и со доларчиња и со денарчиња. Секако, заслужено. Не може секој да биде Ѓоко Јовиќ и да биде во друштвото на Лепа Снежа, која, инаку, ја познаваат во естрадните кругови и како некоја што не е гадлива на пари. На овој настап, сепак, беше колегијална, па му го препушти бакшишот на Јовиќ. Сè на сè, тоа им е работа на естрадните личности – да пеат и, секако, мрсно да заработуваат. Д.М.
