Раководните лица на италијанскиот калчо гигант Интер испратија јасна порака до сите клубови кои се обидуваат да ги осигураат услугите на словачкиот интернационалец Милан Шкринар. За разлика од италијанските медиуми кои со денови тврдеа дека централниот дефанзивец е на продажба, челниците на Интер потврдија дека Шкринар нема да биде продаден до крајот од летниот преоден рок. Сепак, тие потврдија дека преговарале за продажба на Словакот со челниците на лондонскиот премиерлигаш Тотенхем.