Зебра, која побегнала од зоолошка градина во Сеул, со часови трчала на улиците на јужнокорејскиот град, по што била фатена и вратена во својот дом.
Зебрата со име Серо, што на корејски значи „вертикално“, побегнала во четвртокот попладне, а полицијата, пожарникарите и вработените во зоолошката градина во заедничка акција успеале да ја фатат.
Снимките објавени на интернет покажуваат како зебрата проаѓа покрај возила на прометните улици, а исто така барала и храна во кантите за отпад.
Станува збор за млада зебра родена во 2021 година, која побегнала откако ја уништила дрвената ограда. Кога била фатена, Серо била успиена, а потоа и транспортирана со камион до зоолошката градина. По тоа ѝ бил извршен ветеринарен преглед и било утврдено дека е во стабилна состојба.
Во зоолошката градина во Сеул живеат повеќе од 400 животни и 38 животински видови.
<
A zebra got loose in Seoul, South Korea today. pic.twitter.com/zwqvULmB6c
— Great Ape Dad 🦍 (@GreatApeDad) March 23, 2023
