Во раните утрински часови беспилотни летала оштетија станбени згради во југозападниот дел на Москва. Исто така, еден дрон удрил во куќа на улицата Атласова. Според градоначалникот на главниот град, Сергеј Собјанин, две лица побарале лекарска помош, но не им била потребна хоспитализација. Жителите се привремено евакуирани. На социјалните мрежи беа објавени видеа од нападот, како и од зградите кои беа оштетени за време на бомбардирањето.
„Утринава, како резултат на нападот на беспилотните летала, има мали оштетувања на неколку згради. Сите служби за итни случаи на градот се на терен“, изјави градоначалникот Сергеј Собјанин.
Градоначалникот нагласи дека при инцидентот нема потешко повредени, а итните служби ги истражуваат околностите на инцидентот. Според него, две лица побарале лекарска помош, но тие немале потреба да останат во болница.
Евакуирани се жителите на неколку згради. По завршувањето на работата на специјалните служби, тие ќе можат да се вратат во своите станови.
„Од безбедносни причини при работата на итните служби преземени се мерки за евакуација на жителите од неколку влезови во двете згради кои беа погодени со дронови. Веднаш по работата на специјалните служби жителите ќе можат да се вратат во нивните станови“, напиша Собјанин.
Тој исто така повика да се верува само на официјални извори и да не се шират непроверени информации.
И гувернерот на московскиот регион Андреј Воробјов на својот канал „Телеграм“, објави дека неколку беспилотни летала (UAVs) на пат кон Москва беа упатени во близина на главниот град на Русија во раните утрински часови, пренесува руската агенција „ТАСС“.
Moscow City Officials have announced that Air Defense Batteries were able to Shoot Down at least 10 Drones which were Detected over the City within the last few hours, with Damage from Debris and “Successful Impacts” affecting multiple Residential Buildings; it was additionally… pic.twitter.com/oSKgOIR8E4
— OSINTdefender (@sentdefender) May 30, 2023
„Утрово, жителите на некои области во Московскиот регион можеа да слушнат звуци на експлозии – тоа беше нашата противвоздушна одбрана во операција. Неколку беспилотни летала беа соборени на нивниот курс кон Москва“, рече Воробјов.
#Russian media shows the location of an alleged drone strike near the 25th floor on Atlasova Street in New #Moscow. pic.twitter.com/Y93sNL0W95
— NEXTA (@nexta_tv) May 30, 2023
Гувернерот побара од жителите на Московскиот регион да ја задржат својата смиреност, додавајќи дека „сите сервисни единици за итни случаи се во функција и ќе следат дополнителни информации“.
Засега руските медиуми не прецизираат од каде полетале беспилотните летала и кој е одговорен за нападот.