Капитенот и еден од најдобрите играчи на Партизан, Кевин Пантер, одлучи да ги прекине шпекулациите каде ќе ја продолжи кариерата, дали ќе остане во Партизан или ќе се пресели во Панатинаикос.
Според медиумите од Грција, Пантер му наложил на својот агент да ги прекине сите преговори до крајот на сезоната, бидејќи сака што повеќе да се фокусира на дуелите со Цедевита Олимпија во полуфиналето во АБА лигата, а потоа и на финалната серија од плеј-офот кон која се стремат избраниците на Жељко Обрадовиќ.
На 28 и 30 мај, Партизан игра против Цедевита Олимпија, која ќе биде ослабена со отсуството на Џош Адамс, кој се повреди против ФМП Железник, но словенечкиот шампион традиционално е непријатен ривал за Партизан.
Првиот натпревар е закажан во Белград, реваншот се игра во Љубљана, а датумот на евентуалниот трет меч ќе биде одреден подоцна.
