Од 20 до 22 септември годинава ќе се одржи манифестацијата „Звуците на културата“ во паркот во Ѓорче Петров.
Оттаму информираат дека публиката за три дена ќе може да проследи богата културно-уметничка програма, повеќе активности за најмладите, како и за повозрасните граѓани.
– Предвидени се настапи на културно-уметнички друштва, хорови, музички точки на училишта, баскер артисти, танцување, проекција на филм, мјузикл, концерти, театар… – велат од Општината.
Во рамки на второто издание на „Звуците на културата“ ќе настапат и Наум Петрески, Ефто Пупиновски, Нокаут, Дац и Александар Митевски и диџеи.
Ќе биде прикажан и нашиот наградуван филм „Господ постои, името и е Петрунија“ на режисерката Теона Стругар Митевска.
Во паркот каде ќе се одржува манифестацијата ќе бидат поставени и реквизити за забава, детски игри и спорт, забавен парк и базар.