Руското Министерство за одбрана предупреди дека планира да изврши напади со прецизно оружје врз неколку воени објекти во Киев од каде се вршат сајбер напади врз Русија и ги повика жителите на главниот град да ги напуштат своите домови, пренесува руската државна новинска агенција Тас.
Во соопштението објавено во вторникот попладне, Министерството за одбрана наведува дека неговите сили се подготвуваат да извршат „високопрецизни удари“ против „Службата за безбедност (СБУ) и 72. Центар за информации и психолошки операции (ПСО)“ во Киев.
„Ги повикуваме граѓаните на Украина кои украинските националисти ги вмешаа во провокации против Русија, како и жителите на Киев кои живеат во близина на станиците да ги напуштат своите домови“, се наведува во соопштението.
