Телата на тројцата убиени Срби во инцидентот во селото Бањска денеска беа предадени на нивните семејства во Судскиот институт во Приштина.
На собирањето на телото присуствувале адвокатите на семејството, како и косовската полиција, јави Танјуг.
Во неделата на 24 септември беше убиен косовски полицаец во селото Бањска, по што имаше акција на специјалните единици на косовската полиција насочена кон вооружена група која се обиде да најде засолниште во манастирот Бањска. Во акцијата загинаа тројца Срби, по потекло од северот на Косово.
Поранешниот потпретседател на Српската листа, Милан Радоичиќ, ја презеде одговорноста за настаните во селото Бањска, се вели во изјавата што за медиумите ја прочита неговиот адвокат Горан Петронијевиќ.
Радоичиќ во својата изјава истакна дека нема помош од властите во Белград, ниту пак ги информирал за своите намери бидејќи веќе се разделиле во одредени позиции.
А косовскиот министер за внатрешни работи Џељаљ Свеќља изјави дека надлежните органи на Косово преку меѓународни партнери ќе бараат екстрадиција од Србија на „сите кои учествувале во планирањето и спроведувањето на терористичката акција“ во Бањска.
Американскиот секретар Ентони Блинкен во петокот на социјалната мрежа Х објави дека разговарал со српскиот претседател Александар Вучиќ.
„Зборував со претседателот Вучиќ за нагласување на потребата од деескалација на тензиите со Косово и да се повикаат на одговорност одговорните за неодамнешните насилни напади. Беше нагласена и важноста од целосно спроведување на обврските од Дијалогот што го води ЕУ“, напиша Блинкен.
