По повод 8 март: Во Париз се одржува првиот Самит на претседателки на парламенти

16

Претседателката на Долниот дом на францускиот парламент Жаел Брон-Пиве в среда и четврток ќе го организира првиот Самит на претседателки на парламенти, на кој треба да учествуваат најмалку 25 нејзини колешки, непосредно пред Меѓународниот ден на жената 8 март.

„Иницијативата произлезе од набљудувањето на претседателката Брон-Пива дека има опаѓање на правата на жените, па дури и на нивното испрашување, како што е правото на абортус во САД и Полска“, велат од нејзината придружба.

Правото на абортус треба да биде вклучено во францускиот Устав в понеделник, по планираното гласање во двата дома на парламентот.

Самитот ќе биде можност да се испрати „силна порака до светот за заштита на правата на жените“, додадоа соработниците на претседателката на Долниот дом на францускиот парламент.

За разлика од многу земји каде што се скратуваат правата за абортус, Франција в понеделник ќе стане првата земја што во својот Устав ќе вклучи доброволно прекинување на бременоста.

Тоа прашање има одобрение на јавното мислење таму.

Одлуката во САД во јуни 2022 година, да се укине одлуката со која се штитеше можноста за абортус на сојузно ниво, имаше големо влијание и беше осудено во француското јавно мислење, но и во политичките кругови.