Последниот освојувач на „Златната топка“, напаѓачот на Реал (М), Карим Бензема, не доби шанса да настапи и на Светското првенство во Катар. Поради повреда мораше да ја пропушти групната фаза, но откако се рехабилитираше од повредата, Бензема сфати дека е непосакуван во националниот тим.
Новинарот на „Л’Екип“, Ромаин Молина, откри што точно се има случено пред да биде донесена одлуката за исфрлање на Бензема од репрезентацијата на Франција.
Иако не беше избришан од конечниот список за патници на Мундијалот во Катар, селекторот на Франција, Дидиер Дешамп, не сакаше да врати во националниот тим иако Бензема целосно се рехабилитирал од последната повреда. Голем притисок врз селекторот направиле неколку репрезентативци кои не сакале да соработуваат со напаѓачот на „кралскиот клуб“.
Молина открива дека пред да биде донесена конечната одлука бил одржан состанок на кој биле Бензема, Гризман, Лорис и Погба. Иако не била донесена никаква одлука, Бензема лесно дошол до заклучок дека е непосакуван во националниот тим.
Гризман бил најгласен во ставот дека Бензема треба да остане надвор од репрезентацијата затоа што бил свесен дека само на тој начин ќе има статус на стандарден првотимец.
Само што заврши Мундијалот во Катар, Бензема и официјално потврди дека повеќе нема да игра за репрезентацијата на Франција.
