Невреме придружено со дожд и силен ветер уриваше дрвја во централна Хрватска

48

Дождот пропратен со ветер денеска околу 16 часот ја погоди областа Сисак-Мославина и делумно Карловачката жупанија, а невремето собори дрвја на патиштата и автомобилите, соопшти локалната цивилна заштита.

 

Според информациите, дрвја паднале на патишта и приватни возила, а оштетени се и електричните столбови, што предизвикало дефекти во електричната мрежа, објави Индекс.хр.

Се додава дека работници за дистрибуција на електрична енергија се на терен, а пожарникарите и комуналните служби ги отстрануваат дрвјата.

Државниот хидрометеоролошки завод (ДХМЗ) за денеска од 15 до 21 часот издаде жолто предупредување за овој регион, кое се однесува на делумно бурни налети на северен ветер со можна брзина поголема од 65 км/ч.

ДХМЗ повика на претпазливост поради летечкиот отпад што го носи силниот ветер.