Награда за најдобра анимација на кукли доби претставата „Тоби“ во режија на Драгослав Тодоровиќ на Театарот за деца и младинци на 10. „Бугојнско куклено биенале“, кое од 11 до 14 септември се одржа во Бугојно, Босна и Херцеговина.
Жири-комисијата на фестивалот ја додели наградата за одличната актерска игра на целиот колектив од претставата и за нивната компатибилност и синхронизираност.
За потсетување, претставата „Тоби“ на минатогодишното 7. издание на Меѓународниот фестивал за кукларство во Подгорица освои пет награди и тоа: Гран-при за најдобра претстава, Награда за најдобра режија за Драгослав Тодоровиќ, Награда за актерско мајсторство за Марија Ѓорѓијовска, Награда за најдобро техничко-естетско решение на кукли за Ирина Сомборац, Награда за најдобра претстава од детското жири на Фестивалот.
