Маск „завојува“ со Германија поради хуманитарните бродови за мигранти

84

Германската влада го прекори сопственикот на платформата Икс, Илон Маск, откако тој ја критикуваше неодамнешната работа на бродовите за спасување мигранти управувани од германските хуманитарни групи во Средоземното Море.

Маск синоќа сподели видео на кое се гледаат мигранти и хуманитарни работници на брод.

Десничарските сили кои ја објавија содржината на платформата Х ја пофалија екстремно десничарската партија Алтернатива за Германија, која зазеде тврд став за миграцијата.

„Дали германската јавност е свесна за ова?“, праша Маск во објавата.

Германското федерално министерство за надворешни работи директно му одговори на Маск на платформата Х пишувајќи дека е и дека тоа се вика спасување животи.

Маск одговори дека се сомнева оти германската јавност ги поддржува акциите на невладините организации кои преземаат азиланти од бродови кои не се способни за пловидба во Средоземното Море.

Тој, исто така, посочи дека носењето спасени мигранти на италијанска територија со бродови управувани од германски хуманитарни групи секако претставува кршење на суверенитетот на Италија.

„Значи, вие сте всушност горди на тоа. Интересно“, напиша Маск до Министерството з анадворешни работи, додавајќи дека смета дека таквите поморски операции имаат „инвазиски вибрации“.

Повеќе од 220.000 луѓе поднеле барање за азил во Германија од јануари до август оваа година, соопшти агенцијата.