Мекдоналдс принуден да ги заштити своите вработени од „епидемијата“ на тврдења за сексуално вознемирување

69
epa07741655 (FILE) - View of the logo of the McDonald's chain in a restaurant closed, in Caracas, Venezuela, 03 September 2018 (reissued 26 July 2019). McDonalds is to release their 2nd quarter 2019 earnings report on 26 July 2019. EPA-EFE/Cristian Hernández

Мекдоналдс беше принуден да потпише договор со ветување дека подобро ќе ги заштити своите вработени откако синџирот за брза храна беше погоден од „епидемија“ на тврдења за сексуално вознемирување во Велика Британија.

Според правно обврзувачкиот договор со Комисијата за еднаквост и човекови права, шефовите на компанијата за брза храна во Британија ветија дека ќе разгледаат повеќе од 1.000 поплаки од персоналот за однесувањето на работното место, објави Тајмс.

Комисијата постигна договор со рестораните на Мекдоналдс според Законот за еднаквост од 2010 година, кој вклучува обврска за обука на вработените за спречување на вознемирување и воведување обука за менаџерите за да ги идентификуваат областите на ризик и да преземат чекори за спречување на сексуално вознемирување.

Договорот, објавен денеска, доаѓа речиси четири години откако претставници на синдикатот тврдеа дека добиле извештаи за „токсична култура“ во филијалите на Мекдоналдс во Велика Британија, при што најмалку 1.000 жени тврдеа дека биле малтретирани од колегите.

Мекдоналдс е еден од најголемите работодавци во Велика Британија со повеќе од 120.000 вработени.