Казахстанскиот тенисер Александер Бублик, во Монпелје ја освои четвртата титула во кариерата, стигна до 23. место на светската ранг-листа, најдобро во кариерата и реши да бара промени на АТП турнејата. Се разбира, парите се во прашање.
– Јас сум за промени бидејќи 15 години играме исти турнири за исти пари – изјави Казахстанецот.
Наградните фондови пораснаа доста во текот на изминатите 15 години. Во 2009 година Вимблдон подели 15,9 милиони долари, а победниците добија по 1,1. Лани наградниот фонд изнесуваше 58,1 милиони долари, а шампионите добија по 3,1 милиони долари.
Ставот на Бублик по ова прашање е јасно различен – дека растот на премиите треба да биде многу поголем.
– Секоја година ги покачуваат премиите за два отсто и мислат дека треба да се радуваме поради тоа – додава Казахстан роден во околината на Санкт Петербург, каде што и денес живее.
-Затоа мислам дека се неопходни промени. Ние тенисерите ги сакаме. Заслужуваме да бидеме третирани подобро, подобро платени и да играме помалку. Играме 11 месеци, паузата е само еден месец и потоа почнуваме од почеток.
Иако самиот Бублик не кажува какви промени сакаат играчите, не е тешко да се претпостави дека веројатно се работи за зголемената улога што Саудиска Арабија ја посакува во врвниот тенис.
Во Ријад се организираат егзибициони турнири веќе неколку години, првиот официјален турнир беше зимскиот во Џеда, Хамад Меѓедовиќ ја освои титулата на „Next Gen“, турнирот на најдобри играчи до 21 година, а веќе се подготвуваат нови потези.
За октомври е најавена турнир на „Шестмината кралеви на слемот“ во Ријад, на која учество ќе земат Новак Ѓоковиќ, Рафаел Надал, Карлос Алкараз, Данил Медведев, Јаник Синер и Холгер Руне.
