Градоначалникот на Општина Виница, Миле Петков, го потпиша договорот за изградба на градски пазар во Виница, со изведувачот ДПТТГТУ „Лабино трејд“ ДООЕЛ од Гостивар. Изградбата на градскиот пазар е проект кој започна предизборно, со неплатени сметки и не исполнување на обврските на претходниот изведувач.
– Поради овие причини договорот со претходниот изведувач беше раскинат и е наплатена банкарската гаранција за непочитување на договорот, по што проектот претрпи измени за пофункционалност и запазување на законски пропишаните паркинг места – објаснуваат од локалната самоуправа.
Изградбата на затворениот градски пазар ќе чини 16 милиони денари.