Иако Рафаел Надал одигра многу добро во Мадрид, неговото учество на турнирот заврши во осминафиналето. Тој беше елиминиран од Јиржи Лехечка со 2-0 во сетови (7:5, 6:4), со што Надал на малку тажен начин се прости од мадридската публика, бидејќи ова му беше последен пат да настапува во својата татковина.
На крајот организаторите му подготвија посебен пехар, а потоа одржа говор кој ја расплака публиката на трибините. Сите знаеја дека ова е неговиот „последен танц“ во Мадрид и дека никогаш повеќе нема да го видат на теренот како игра тенис.
- Ова беше еден од оние моменти, кој ќе дојде, многу е тешко… Но, мојот живот и моето тело веќе подолго време ми праќа сигнали…, започна Рафаел Надал при збогувањето со Мадрид, па додаде:
- Мојот сон беше да завршам овде, на овој терен. Имав среќа во животот да ја претворам страста во работа. Бев привилегиран…, изјави Надал и истакна дека ќе се обиде да игра во Рим, но дека секако главна цел од оваа сезона е да се обиде да игра на Ролан Гарос, потоа и на Олимписките игри на истиот терен во Париз.
- Мојот сон е да ги одиграм сите турнири на кои имав успех, барем уште еднаш. За жал, го пропуштив Монте Карло, но во Рим освоив, мислам, десет титули. Сакам да играм таму и да играм добро. Продолжува мојата кариера, имам неколку лични цели за следните неколку недели и сакам да видам дали ќе можам да ги остварам, објасни Надал, кој дефинитивно ќе се повлече од тенисот на крајот од оваа сезона.
Rafa Nadal waves goodbye to the crowd in Madrid for the very last time.
Listen to that noise.
That’s the sound of 13,000 people who’ve been inspired & moved by what this man has given to the sport for so many years.
A king leaving his kingdom. 👑🥹
pic.twitter.com/eK5ZxseVzq— The Tennis Letter (@TheTennisLetter) April 30, 2024
