Инфекцијата по вакцинацијата обично се јавува четири месеци по примањето на втората доза, и според првите нецелосни податоци, нема значителна разлика во ефективноста помеѓу „синофарм“ и другите вакцини, вели истражување направено во Србија, пренесува блиц.рс.
Сепак, разликата во болеста помеѓу вакцинираните и оние кои не примиле никаква вакцина е сѐ уште голема, кога станува збор за бројот на заразени лица, но и за клиничката слика што се развила.
Досегашните наоди, кои беа обелоденети, се базираа на анкета спроведена во Крагуевац, во која беа вклучени повеќе од репрезентативен примерок – околу 145.000 граѓани. И по собирањето на нови податоци, Националниот експертски комитет за имунизација треба да му препорача на Кризниот штаб можно скратување на периодот на вакцинација, помеѓу втората и третата, таканаречена засилувачка (бустер) доза.
Врз основа на податоците што ги добив во лична комуникација од професорот д -р Дејан Баскиќ, а кои се однесуваат на областа опфатена со Институтот за јавно здравје Крагуевац (околу 145.000 лица), во периодот на мониторинг од 1 јули до 1 септември, кај целосно вакцинираните заразувањето се случува во просек околу четири месеци по примањето на втората доза на вакцина. Треба да се има предвид дека во тој период се заразиле околу еден процент од вакцинираните лица од таа област, наспроти околу 3,3 проценти од невакцинираните луѓе – истакна за Блиц, Душан Попадиќ, редовен професор по имунологија на Медицинскиот факултет во Белград и член на Националниот експертски комитет за имунизација.
Дали има одредена разлика помеѓу ефектите на вакцините?
– Во овој релативно мал број заразени вакцинирани лица, и со релативно краток период на следење, нема значајна разлика во ефективноста помеѓу различните вакцини. Забележувам дека ова се уште се сурови податоци, нецелосно статистички обработени.
Најголем број наши граѓани добија „синофарм“. Дали постојат значителни разлики во времето кога се појавила инфекцијата во однос на другите вакцини што се користат во нашата земја?
– Врз основа на горенаведените податоци во кои имав увид, нема значајна разлика во ефективноста помеѓу „синофарм“ и другите вакцини. Меѓу вакцинираните во областа опфатена со Институтот за јавно здравје во Крагуевац, околу 70 проценти од граѓаните се имунизирани со вакцината „синофарм“, а нивниот удел меѓу заразените е исто така околу 70 проценти. Би сакал уште еднаш да напоменам дека ова се необработени податоци и релативно краток период на следење. Понатаму, овие податоци се однесуваат само на заразените во тој период, без да се изолираат пациенти со клиничка слика која бара болничко лекување или лекување во единиците за интензивна нега. Очекувам дека професорот д-р Дејан Баскиќ наскоро ќе ги објави податоците што се однесуваат на подолг период на следење и групирани според сериозноста на клиничката слика кај заразените и имунизација со разни вакцини. Постојат податоци од странски студии и наратив дека „вакцината на „синофарм“ е помалку ефикасна од другите вакцини, но врз основа на овие податоци ова не може да се потврди. Тоа не значи дека во подолго следење и поцелосна статистичка обработка, овие хипотези нема да бидат потврдени на подрачјето на Крагуевац каде што е направено истражувањето.
