Јавното претпријатие „Комунална Хигиена“ ја известува јавноста дека се невистинити објавите на извесни провокатори чии фотографии осамнаа на интернет дека го чистеле споменикот на Гоце Делчев во Градскиот парк.
– Имено споменикот на Гоце Делчев, како и бројни други споменици низ градот се предмет на вандалски чинови и оштетувања во континуитет, при што само на споменикот на Гоце Делчев ЈП „Комунална Хигиена“ во изминатиот месец дури три пати има превземено акција на целосно чистење со соодветна механизација, средства и човечки ресурси. Тоа што некој врз нашите обележја става знаме на странска држава, а воедно лажно зема заслуги за работата на Јавното комунално претпријатие презентирајќи ја како своја, дополнително е за осуда и ги повикуваме надлежните институции да го истражат случајот и да превземат соодветни мерки – потенцираат од ЈП„Комунална хигиена“.
Оттаму апелираат и повикуваме на свесност кај граѓаните да не се вандализираат и оштетуваат спомен обележјата и јавните површини.
