Ова јадење потекнува од Северна Африка, но сега е омилено јадење и за појадок и за ручек и за вечера во Израел. Шакшука е заситна, здрава, неверојатно лесна за подготовка и – сите состојки ги има кај нас.
Потребно е:
- 2-3 лажци маслиново масло
- 3 чешниња лук, столчени
- 1 лажици доматно пире
- 1 лажица црвен пипер
- 1 лажиче ким
- 250-300 г конзервиран сечкан домат
- 1 лажиче сол
- 1/2 лажиче црн бибер
- 3-4 големи јајца
- свеж магданос
- фета сирење (по желба)
- лепиња или друг вид препечен леб за сервирање
Подготовка:
Ставете го маслото во тавче (нека биде малку подлабоко) и загрејте на средна температура. Додадете го лукот и нека се пропржи 1 минута. Додадете го доматното пире и зачините и гответе 3-4 минути додека да замириса убаво.
Сега додадете ги сечканите домати и гответе на средна температура уште 15-20 минути.
Кога сосот малку ќе се згусне, скршете ги јајцата во одвоени чинивчиња и потоа полека истурете ги во доматниот сос (внимавајте да не пукнат жолчките!). Покријте со капак и гответе уште 3-5 минути додека белките да се зготват, а жолчките можете да оставите сосема да се сварат или да бидат малку живи.
Кога ќе бидат готови и јајцата, потурете малку сечкан магданос (или нане или оригано) и ставете фета сирење одозгора.
Послужете со свежа лепиња или препечени лепчиња.